Рыгор Долгі ўзнагароджаны медалём “За працоўныя заслугі”.
Напярэдадні свайго прафесійнага свята дырэктар Астравецкага доследнага лясгаса Рыгор Долгі загадам Прэзідэнта Рэспублікі Беларусь ўзнагароджаны медалём «За працоўныя заслугі».
Рыгор Мечыслававіч амаль 20 гадоў узначальвае Астравецкі лясгас, які летась атрымаў званне «доследнае». За гады кіравання Долгага лясная гаспадарка Астравеччыны стала адной з перадавых у вобласці і рэспубліцы: лесаводы раёна аднымі з першых сталі актыўна развіваць паляўнічую і лесагадавальную гаспадаркі, экалагічны турызм і іншыя накірункі. Неаднаразова лясгас быў пераможцам працоўнага спаборніцтва сярод лесагаспадарчых прадпрыемстваў вобласці.
Рыгор Мечыслававіч мае званне «Ганаровы лесавод», яго партрэт неаднаразова заносілі на Дошкі гонару раёна і абласнога лесагаспадарчага аб’яднання.
Віншуем з узнагародай!
